Gipuzkoa2.0 egitasmoa kudeatzen dugun lantaldeko kideok omenaldi xumea egin diogu atzo joan zaigun Xabierri. GureGipuzkoan dauden argazki batzu honera ekarriz gure begirune eta eskerrak eman nahi dizkiogu. Berriak izenburutu duen bezala..."Itsasontzia astiro kaiatik ari da urruntzen".

GureGipuzkoa.net | Xabier Lete eskuetan gitarra bat duela © CC-BY-SA: San Martin, Juan

GureGipuzkoa.net | Xabier Lete. © CC-BY-SA: Javier Garayalde

GureGipuzkoa.net | Bernardo Atxaga eta Xabier Lete. © CC-BY-SA: Frantxis

Ta 1971, urtean Ez Dok Amairuk Donostiako Trinitate Plazan emandako kontzertuan Javier Garayaldek harturiko argazki sorta ezin ahaztu.  

Gipuzkoa 2.0 ekimenaren filosofia pean garatutako GureGipuzkoa.net atarian Hondarribia, Zaldibia eta Zestoako Udalen argazki funtsak erabiltzaile eta herritar ororentzat eskuragarri ditugu jada. Gipuzkoako Foru Aldundiko Kultura eta Euskara Departamentuan argazki funtsak izango dituzten Gipuzkoako udalekin elkarlanean  bildumak lizentzi libreekin eskuragarri jartzen laguntzeko asmoa dugu.

Udalek erabiltzaileentzat eskuragarri jartzen dituzten argazki bildumak ein haundi batean CC-BY-SA baimena erabiliz publiko egin dituzte, hala ere zenbait kasutan ezinezkoa izan da baimen hau erabiltzea, alde batetik Udalei argazkien egiletza aitortzea ezinezkoa izan zaielako eta kasu horretan Egiletza Eskubide Ezagun mugaturik gabeko figura erabili dute, edo zuzenean CC-BY-SA baimenpean ezartzea ezinezkoa izan delako. Hala ere azkeneko kasu hau gutxiago suertatu zaie.

GureGipuzkoa.net | Diputatua eta udal ordezkariak © CC-BY-SA: Xabier Eskisabel

Kultura eta Euskara Departamentuak ekimen hau Eusko Ikaskuntzarekin duen akordio hitzarmenaren bitartez gauzatzen ari da eta horren informazio osagarria GureGipuzkoako blogean duzuelarik, Hondarribiak ia 5000 argazki, Zaldibiak 1705 eta Zestoak 1205 jarri ditu denon eskura. Guzti honen testigantza "fisikoa" astelehenean Koldo Mitxelena Kulturuneko areto nagusian izan genuelarik, digitalizazio ekimenean parte hartzen ari diren Gipuzkoako udalerrien ordezkariak gurekin izan genituen, eta bertaratutako Hondarribia, Zaldibia eta Zestoako ordezkariei beraien bildumen bi bertsio eman genizkien: Birtualki GureGipuzkoa.net atarian zintzilikatuz eta bestetik fisikoki ordezkari banari bilduma diska gogor batean.

Urte amaierarako falta zaizkigun eta lantzen ari garen udalen bildumak eskuragarri jarriko ditugu: Beasain, Oñati eta Urnieta.

Asteleheneko aurkezpenean Oñatiko kultura zinegotzi den Ainhoa Galdos, Beasaingo alkate den Patxi Plazaola, Urnietako alkate den Mikel Izagirre, Zaldibiako Udaleko zinegotzi bat, Hondarribiako alkate den Aitor Kerejeta eta Eusko Ikaskuntzako lehendakaria den Jose Mari Muñoa  izan ziren. Horren testigantza azpikaldeko familiako argazkian duzue. Ezer gutxi gehiago ekimen honetan lanean ari den lan taldetik, eskerrak ematea Udalei ekimenean parte hartzeagatik eta urte amaierarako falta diren bildumak eskuragarri egon daitezen lanean darraigula. Ekin!

Aurreko astean zalaparta ugari sortu zituen berriak: enpresei eta erakunde publikoei kobratzen zaigun gainsari edo kanon hori legez kanpokoa dela ebatzi baizuen Europako Justizia Epaitegiak. Sustatukoek laburbildu zuten bezala, bi dira epai honetik atera daitezken ondorio nagusiak:

Bigarren puntuak aipatu ez arren, epaiak Gipuzkoako Foru Aldundiari eta ondorioz Kultura eta Euskara Departamentua bezalako erakunde publikooi ere  eragiten digu.

Urteetan GFAko egunerokotasuneko jardunean digitalizatu eta gorden diren euskarri digitalengatik GFAk ere beraien gainsaria ordaindu du. Etorkizunean enpresa eta profesionalekin batera, GFAn horretaz libratzeko aukera dugula berretsi dela dirudi.