Twitter

Enlaces

5. eranskinaren azalpena

Dirulaguntzak 2009 - 5. anexo

Escrito por GipuzkoaKultura

Miércoles, 26 de Enero de 2011 19:03

Artículo no disponible en castellano.

Eranskin honen irizpide nagusiak 3. eta 4.naren parekoak dira: Baliabide eta tresna teknologikoak garatzeko laguntzak. Aldatzen dena eremuan datza: "...kultura erakunde edo elkarte irabazteko asmorik gabekoek"

Berriro diogu: eranskin hauek EZ ziren gure webgunearen itxura estetikoa aldatzeko laguntzak, webgunean egon daitezken edukiekiko eskuragarritasuna bermatuko duten tresna teknologikoak garatzeko baizik.

Kulturaren eta euskararen esparruko edukiak

Onuradunak:	Irabazi asmorik gabeko kultur erakunde edo elkarteak.
Lagundutako proiektuak:	52
Oharrak:	- Garatutako zerbitzuak eta tresnak bai legez, bai teknikoki eskuragarriak direla bermatu behar ziren. - Edukiak gutxienez euskaraz egon behar zuten.

Hemen ere baldintzetan edukiekiko atzigarritasun legalaren gaiak azpimarratu genituen. Irizpide nabarmenenak hizki gorriz dituzue.

Jarraian 5. eranskinaren testu osoa dijoakizue.

Kulturaren eta euskararen esparruko edukiak informazio teknologien bidez hedatzeko proiektuetarako diru laguntzak ematea arautzen duten oinarriak.

1. Xedea.

Oinarri hauen xedea da kulturaren eta euskararen esparruko edukiak informazio teknologien bidez hedatzeko egiten diren proiektuetarako xedatutako diru laguntzak eskuratu eta jasotzeko baldintzak arautzea. Proiektu horiek bermatu behar dute euskaraz sortutako eduki digitalak bai teknikoki, bai legez eskuratzeko aukera dutela erabiltzaileek eta herritarrek.

2. Eremua.

Diru laguntza hauen xedea da euskaraz adierazitako kultura edukiei zabalkunde handiagoa emateko informazioaren teknologia berrien erabileran oinarritutako proiektuak garatzeko erakunde eskatzaileak egindako gastuak konpentsatzea.

Laguntza hauek jaso ahal izango dituzte aipatutako esparruan proiekturik sustatu eta egiten dituzten kultura erakunde edo elkarte irabazteko asmorik gabekoek, egoitza sozial eta fiskala Gipuzkoako Lurralde Historikoan kokaturik baldin badute, eta esparru hauetan proiektuak sustatzen badituzte: Euskara, musika, antzerkia, dantza, literatura, arte plastikoak, ikus-entzunezkoak, kultura tradizionala, gaur egungo gaiei buruzko jakintza eta gogoeta arloa, eta antzekoak, ondare historiko-artistiko, etnografiko, dokumental edo museistikoa, betiere Gipuzkoarentzat interesgarriak gertatzen diren heinean.

Aipatutako proiektuak ondoko atal hauetakoren batean sartu behar dira:

Erakunde eskatzailearen egungo webgunea aldatzea, edukiak eskuragarri izan daitezen bai teknikoki, bai legearen aldetik.
Aplikazio irekiak (API, widget edo besterik) garatzea, erakunde eskatzailearen eduki digitalen katalogo eta artxiboko funtsak libreki eskuratu, partekatu eta birnahasteko bideak errazteko.
Kultura eragileen artean web ekosistema elkarlotuagoa garatzea errazteko dinamikak eta tresnak antolatzea.
Web inguruaren ekintzak, jarduerak edo dinamikak antolatzea: Euskaldun web komunitateari ikusgarritasuna eta bizitasuna emateko jarduerak.

Oinarri hauen jarduera esparruak bere barne hartzen dituen proiektuak, osorik nahiz zatika, garatzen ahalko ditu elkarte eskatzaileak nahiz bere baliabide propioz, nahiz besteren laguntza baliaturik.

Salbuespen gisa, eta Kultura eta Euskara Departamentuak horrela erabakiko lukeelako, jaso dezakete laguntza Gipuzkoatik at dauden erakundeek, baldin eta haren jarduera neurri handi batean herrialde honetan gauzatzen bada edo Gipuzkoarentzat interesgarria gertatuz gero.

3. Baldintzak.

Laguntza hauetara bildu nahi duten proiektuek baldintza hauek bete beharko dituzte:

Proiektuaren edukiak osorik euskaraz egongo dira gutxienik.
Digitalizatutako edukiak bai legez, bai teknikoki eskuragarriak direla bermatu behar da. Eduki horien barruan legeetan babestutako gairik baldin badago, elkarte eskatzaileak eduki horien gaineko baimenaren jabe izan behar du, hirugarrengoek eskuratu eta erabili ahal izan ditzaten.
Internet bidez zabaldutako edukien kasuan, etengabe eguneratzeko plangintza zehatza eduki beharko dute.

4. Baztertzeak.

Diru laguntza hauen esparruaz kanpo daude:

Izaera komertzialeko proiektuak.
Zerbitzu profesionalak eskaini edo sustatzeko xedea duten webgune pertsonal nahiz taldekoak.
Eduki batez ere politiko, sindikal edo erlijiosoa duten proiektuak.
Edozein era edo mailatako irakaskuntza arautuko erakundeei lotutako proiektuak.
Eduki iraingarria edota pertsonen eskubideen aurkakoa duten proiektuak.
Edukietara sartzeko edonolako mugakizuna jartzen duten proiektuak edo zerbitzuaren trukean ordainketa eskatzen dutenak.

5. Diru laguntzak eman eta kuantifikatzeko irizpideak.

5.1. Zehaztapena.

Irizpide eta puntuazio hauek aplikatuko dira:

a)    Elkarte eskatzaileak bere baitan sortutako informazio eta edukiak edonoren esku jartzeko ahalegina, eta edukion interesa; 35 puntu bitarte.
b)    Orain arte sarean euskaraz trataera egokirik izan ez duten alor edo gaietan saiatzea; 20 puntu bitarte.
c)    Baliabide teknologikoen ahalmenak (estandarrak, URL iraunkorrak, mikroformatuak, bilatzaileekiko adiskidetasuna, eta abar) taxuz erabiltzeko egindako ahalegina; 15 puntu bitarte.
d)    Proiektuaren edukiak etengabe eguneraturik izango direla ziurtatzeko jarritako bitarteko egokiak; 20 puntu bitarte.
e)    Forma edo diseinu aldetik landua izatea, argia eta erabilerraza; 5 puntu bitarte.
f)    WAI (Web Accesibility Initiative) arauekiko adostasun maila; 5 puntu bitarte.

Irizpide horiek kasu bakoitzean aztertu eta balioztatuko ditu ebaluazio batzordeak.

Proposamenean jasoko izango dira, bakar-bakarrik, aurreko irizpideen arabera 70 puntu edo gehiagoko balorazioa lortzen duten proiektuak.

5.2. Diru laguntza kalkulatzea.

Diru laguntzaren zenbatekoa ez da inoiz argitalpena egiteko aurreikusitako gastuen %70 baino gehiagokoa izango, eta gehienez ere 15.000 euroko kopurua izango du.

Diru laguntza hauetarako xedatutako kopuruak ez badu, hautatutako eskaera guztiak multzoan hartuta, aipatutako gehienezko muga horretara iristeko biderik uzten, diru laguntza bakoitza proportzioan murriztuko da, proiektuaren aurrekontua eta balorazioan lortutako puntuazioa kontuan hartuta.

Ematen diren diru laguntzen kopuruaren gehienezko muga izango da, betiere, eskatzaile bakoitzak Kultura eta Euskara Departamentuari eskatutako kopurua.

Agregalo como Favorito

Enviar email

Trackback(0)

TrackBack URI para esta entrada