Gipuzkoako Foru Aldundiko Kultura eta Euskara Departamentuaren Gipuzkoa 2.0 programaren harira, gure kulturari buruzko telebista saio berri bat, GipuzkoaKultura, izango dugu asteazkenero 22:30etan euskarazko tokiko telebistetan eta interneten, gipuzkoakultura.net eta tokiko.tv  webguneetan.

Globalizazioak euskal edukien eta bereziki euskal kultur edukien agerikotasuna murriztu duela dirudien arren, globalizazio horrek ekarri duen teknologia iraultzak eskaintzen dituen aukerak aprobetxatzeko asmoa eta konpromisoa du Gipuzkoako Foru Aldundiak. Izan ere, gure kultur edukiak guztion eskura, erabilgarri eta modu errazean, jartzea ezinbestekoa da, euskarazko eta euskal edukien inguruko arreta sustatu eta herri bezala iraunarazteko. Horretatako lanabesa da, hain zuzen, Gipuzkoa 2.0. Kultura eta Euskara Departamentuko Kultura Sustapeneko eta Hedapeneko Zuzendari den Haritz Solupe eta Goierri Irrati Telebistako Ion Aldanondok horren inguruko azalpenak ematen azpikaldeko bideoan dituzue.

GipuzkoaKultura telebista saio berria Gipuzkoa 2.0 programaren hiru ardatzetan oinarritzen da:

1. Informazio eta Komunikazio Teknologien (IKT) bidezko kultur edukien sozializazio sistematikoa; hau da,ahalik eta hedapenik zabalena eskaintzea.
2. Gipuzkoaren kultur ondarea mantendu eta zabaltzea.
3. Kultura industriak sustatzea.

Saioaren ezaugarriak:

• Euskara hutsean sortu eta emitituko den ikus-entzunezko saioa da.
• Internetez zein telebista bitartez hedatuko da:.
  • Asteazkenetan, 22:30ean, euskara hutsean emititzen duten tokiko telebistetan (28 kanala, Erlo, Goierri Telebista, Goiena Telebista, Oizmendi Telebista, Hamaika Bilbo Telebista eta Xaloa Telebista).
  • Interneten, gipuzkoakultura.net eta tokiko.tv webguneetan.
• Astero, ordu erdiko saioa izango da telebistarako. Interneten, aldiz, saio bakoitza sortzeko erabilitako klip guztiak izango dira eskuragarri, ikusteko zein berrerabiltzeko.
• Interneteko eduki horien eskuragarritasun baimena Creative Commons by-sa da: Aitortu-Berdin Partekatu.

Elkarlanaren uzta

Elkarlana izan da, eta izango da, proiektu hau gauzatu ahal izateko oinarrizko ezaugarria. Gipuzkoako Foru Aldundiko Kultura eta Euskara Departamentua eta Tokiko Telebistak elkarlanean aritu dira euskara eta euskal kulturaren hedapenerako.

Aurrera begira ere Gipuzkoako Foru Aldundiko Kultura eta Euskara departamentuko teknikariek eta Goiena Telebistako kazetari eta teknikariek elkarrekin jardungo dute lanean. Kultura eta Euskara teknikariek Gipuzkoako kultura eta euskara esparruetako mugimenduaren ikuspegi zabala eskainiko dute; eta Goiena Telebistako kazetari eta teknikariek, gertutasunetik eta irudimenez sorturiko telebista. Emaitza: gugandik gertu dagoen kultur eskaintza baten saio freskoa.

URI jarraipena sarrera honetarako

iritziak (0)

Iritzi iturri honetara sindikatu

Izena

Posta elektronikoa

Webgunea

Izenburua

Iritzia

txikitu | handitu

Jaso erantzunak posta elektronikoz (erregistratuentzako soilik)

Idatzi goiko karaktereak

Iritzia gehitu Aurrebista