|
Bartzelonan ospaturiko Free Culture Forum ekitalditik bueltatu ginela aste bat joan zaigularik, bertan ikusi eta bizitakoarekin zenbait hausnarketa partekatu nahiko genituzke. Berez, FCFa lau egunetan banatu zen. Lehena osteguna 29an, Apolo Antzokian eXgaek antolaturiko oXcars2009 sarien banaketa izan zen. Ostiralean aldiz, Universitat de Barcelonako Aula Magnan partehartzaileen hitzaldietan bota genuen: goizeko 9.30etan hasi eta 20.15ak arte partehartzaile guztien ekarpenak jotafuego entzuten jardun ginen. Ostiralean entzun genituenak larunbatez eztabaidatzeari ekin zitzaion partehartzaileok taldeka banatu ginelarik eta amaitzeko igandean ikuspuntu eta testu bateratu bat adosten CCCBn. Larunbateko eztabaida saioa. Kultura eta Euskara Departamentutik FCFra begirale ofizial gisa gerturatu ginelarik, KULTURAK egun bizi duen erronka anitzen artean hamaika ideia eta proposamen entzun genituen. Partehartzaileek kultur edukiak askatzeko beharra eta ezinbesteko neurritzat behin eta berriz azpimarratzen bazuten ere, galdera hori erantzuna emango dion proposamenik ez genuen entzun. Alegia, ados egon gaitezke sortzaile edo enpresa batek, bere edukiak "libreki" banatzea ona izan daitekela kultur sorkuntza horretarako, baina sortzaileak trukean "zakarra" jaso nahi badu, zein bide egon daitezke eduki libreetatik monetizazio bat egon dadin? Gure zalantzek ez zuten erantzunik jaso. Larunbateko eztabaida saio berbera baina kanpokaldean.
Zenbait partehartzaileen ekarpenak interesgarriak suertatu ziren bezala, bereziki EFF eta Brasilgo Kultura Ministerioko ordezkariarenak, Suediako Pirat Partiet alderdiko Amelia Andersdotter europarlamentari berriak hotz utzi gintuen: PP Estrasburgera eraman duen programa, orain eztabaidatzeari ekin diotela ulertu genion eta PPn ideologiaz pelaje guztietako jendea dagoela agerian utzi zigun. Hala ere ber ebost minutuko solasaldiak ez zuen ezer gehiagorako eman. Informazio osagarria nahi duenak, FCFak wiki bat ireki du eta bertan ekitaldiaren ondorioak eta eztabaida materialak zintzilikatzen hasiak dira jada. Bestalde, EuskalTubera igotako bideoan, larunbatean Hangar aretoa eta bere giroa ikusi ditzazkezue. |
|
Ostirala egun "heavya" izan da: Goizeko 9.30etatik 20.15etara hitzaldiak bata bestearen atzetik pillatu dira: Brasilgo Kultura ministerioko José Murillo, David Bollier ikerlaria, EFFko aditu bat, Suediako Pirat Partieteko europarlamenturia, Isaac Hacksimov taldekoek, gai anitzetako adituak... ezinezkoa da guztien deskribapena egitea. Hala ere gauza bat aipatu beharko bagenu, kultura askearen inguruko eremu guztietan bizi asko-asko dagoela azpimarratuko genuke eta erantzunak baino, galderak izan direla hemen entzun duguna. Anne Ostergaard “Educating in Freedom - Free Access and Collaboration is the Key” Gauza bakan batzu aipatzearren, Suediako Piratpartieteko europarlamentari izango den Amelia Andersdotter-ek bere hitzaldia oso eskasa iruditu zitzaigun: entzuleek egiten zizkioten galderei "Ez dakit", "Eztabaidatzen ari gara oraindik"... erantzuten zuen. Ta 5 minutu baino ez, di-da. "El acuerdo propuesto le daría a los oficiales de aduanas la facultad de registrar ordenadores portátiles, reproductores MP3 y teléfonos celulares en búsqueda de contenido que infrinja los derechos de autor. También impondría nuevos requisitos de cooperación para los proveedores de servicios de Internet, incluyendo la revelación rutinaria de información de sus clientes, y restringiría el uso de herramientas que garanticen la privacidad en línea."
FCFren hizkuntza ofiziala ingelera noski. Bestalde, Tabakaleran egin zen Gipuzkoa 2.0 ekimenaren aurkezpenean banatu ziren triptiko batzu ekarri ditugu ta jada agortu dira ;-) Aurkezpenen eguna zertan eta nola joan den El Periódico de Catalunya eta Público egunkarietan ekitaldiaren inguruko artikulu bana dituzue. El Periódico de Catalunyakoek pasatu egin direla ageriko da: |
|
Free Culture Forumeko lehenengo eguna joan zaigu eta horren aurkezpen gisa ostegun gauez Apolo antzokian egin zen oXcars sari banaketaren festan izan genuen. Festak FCF ekimenaren aurkezpen gisa balio izan zuen eta gaur egun murgildurik bizi garen kultura digitalarekin erlazioa duten zibereskubideen aitzakitan, hainbat performance, musika saio eta bideo emanaldi entzuteko aukera izan genuen. Ostegun gauean ikusi genituen batzuk aipatzearren ezagutzen ez dugun talde katalan batek hasi zuen ekitaldia. 
Argazkiak.org | oXcars sari banaketa © cc-by-sa: GipuzkoaKultura
Jarraian, eszenategian zein azalduko eta Alberto Vazquez Figueroa idazle ezagunak hartu zuen hitza. Egileen eskubideak ezagutu ditugun bezala iraganeko gauza direla aipatzearekin btaera, bere liburuak ahalik eta formato anitzetan banatzea komenigarria zaiola aipatu zuen. 
Argazkiak.org | Alberto Vazquez Figueroa © cc-by-sa: GipuzkoaKultura
oXcars "saraoan" parte hartu zuten beste batzu, Derivart taldekoak izan ziren. Firefox nabigatzailearentzako El Inspector plugina garatu dute, non, BitTorrent edo P2P beste edozein programa erabiltzerakoan eta abesti bat aurkitzen dugunean SGAEren egiletza eskubideak atxikitzen zaizkion esaten digun. esan eta berau jeisteko aukera ematen du pantailan ikustea izan genuelarik. Informazio osagarria ere hemen badezute: Inspector detecta en Pirate Bay qué archivos están protegidos por la SGAE 
Argazkiak.org | Derivart taldearen aurkezpena. © cc-by-sa: GipuzkoaKultura
Azkenik, Electronic Frontier Foundation taldeko ekintzaileek esperimentu gisa egindako Hitleren meme ezagunaren berri eman zuten eta horretarako erabilitako bideoaren beraien bertsioa. oXcars sari banaketa bost orduz luzatu behar zelarik, ekitaldiaren amaiera ikusi gabe geratu ginen hurrengo goizean 9.00etarako Universitat de Barcelonan itxuraz egon nahi bagenuen.
|
|
Ostegun honetan Bartzelonan Free Culture Forum jardunaldia izan behar den aitzakiaz, bertan ikusten, entzuten eta ikasten duguna zuekin partekatzen saiatuko gara. Ostegunean Apolo aretoan Oxcar sarien banaketatik hasita, igandean CCCBn egingo den osoko bilkurara arte. Ikusten dugunaren kronikak jarraitzeko blog hau, gure Facebook eta Twitter kontuak dituzue. |
|
|
|
|
<< Hasiera < Aurrekoa 1 2 3 Hurrengoa > Amaiera >>
|
|
Orria: 2 Guztira: 3 |
Some Rights Reserved