Twitter

Estekak

2. eranskinaren azalpena

Dirulaguntzak 2009 - 2. eranskina

GipuzkoaKultura-k idatzia

Asteazkena, 2011(e)ko urtarrila(r)en 26-(e)an 19:02etan

Hemen ere, Kultura eta Euskara Departamentuan 2009. urteko dirulaguntzak banatzerakoan jarraitu genituen irizpideetan, aldaketa txiki baina izugarrizko garrantzia duena ezarri genuen. Bigarrengo eranskin honetan, Kultura Departamentuko dirulaguntzetan lehenengo aldiz Creative Commons aipatu zen. Alegia, digitalizatuko ziren edukiak lizentzi libre batekin berbanatuko zirela. 2. puntuko 2. parrafoan hizki gorriz nabarmendu dugu.

Konfusioa sortu zuen beste gai bat nor aurkeztea zezaken egon zen. Akaso hurrengo dirulaguntzak prestatzerakoan argiagoak izan beharko genuke testuak redaktatzerakoan baina gure ustez argi zegoen edozein Udal, herri artxibategi... aurkeztea zeukala. Jasotako eskaeren artean, Irungo Udaleko Artxiboak bete zituen soilik eskaturiko baldintzak.

Eduki fotografikoak eta grafikoak digitalizatu eta katalogatzeko

Onuradunak:	Herri administrazioek edo izaera juridiko publikoa duten enpresek.
Lagundutako proiektuak:	1
Oharrak:	Digitalizatutako edukiak Creative Commons baimen batetan publiko egin behar ziren.

Jarraian 2. eranskinaren testu osoa dijoakizue. Nabarmendutako irizpideak hizki gorriz dituzue.

Eduki fotografikoak eta grafikoak digitalizatu eta katalogatzeko proiektuetarako dirulaguntzak ematea arautzen duten oinarriak.

1. Xedea.

Oinarri hauen xedea da euskal historiari eta kulturari lotutako eduki fotografikoak eta grafikoak digitalizatu eta katalogatzeko proiektuetarako diru laguntzak eskuratu eta jasotzeko baldintzak arautzea. Proiektu horietan, eduki digitalak era librean Internet bidez eskuratzeko aukera eman behar zaie herritarrei.

2. Eremua.

Diru laguntza hauen xedea da aipatutako proiektuak garatzeko erakunde eskatzaileak egindako gastuak konpentsatzea.

Laguntza hauek jaso ahal izango dituzte aipatutako esparruan proiekturik sustatu eta egiten dituzten herri administrazioek edo izaera juridiko publikoa duten enpresek, egoitza sozial eta fiskala Gipuzkoako Lurralde Historikoan kokaturik baldin badute.

Aipatutako proiektuak ondoko atal hauetakoren batean sartu behar dira:

Erakunde publikoek kudeatzen dituzten eduki fotografikoak eta grafikoak digitalizatzea, eta katalogazio digitala egitea, eskuragarri eta trukagarri izan daitezen.
Herritarrei interes orokorreko eduki fotografikoak eta grafikoak digitalizatzeko urratsa egitera gonbitea egiteko proiektuak, ekintzak edo jarduerak, edukien balio historikoa, kulturala edo lekukotasuna aintzat harturik. Edukiok eskumen publikoan egon behar dira, edo herritar Creative Commons baimen baten bitartez laga behar dira.
Oinarri hauen jarduera esparruak bere barne hartzen dituen proiektuak, osorik nahiz zatika, garatzen ahalko ditu elkarte eskatzaileak nahiz bere baliabide propioz, nahiz besteren laguntza baliaturik.

3. Baldintzak.

Laguntza hauetara bildu nahi duten proiektuek baldintza hauek bete beharko dituzte:

Proiektuaren edukiak osorik loturik egon behar dira tokian tokiko edo euskal historiarekin eta kulturarekin.
Digitalizatutako edukiak bai legez, bai teknikoki eskuragarriak direla bermatu behar da. Eduki horien barruan legeetan babestutako gairik baldin badago, hirugarrenen eskutik berauen berrerabilpena bermatzeko, elkarte eskatzaileak eduki horien gaineko baimenaren jabe izan behar du.
Proiektuak amaitzerakoan, edukien kopia digitala aurkeztu behar da Gipuzkoako Foru Aldundiko Kultura eta Euskara Departamentuan, katalogazio ziurtapenekin batera eta legezko eskuragarritasunaren ziurtagiriekin batera.
Kopiak TIFF formatuan aurkeztu behar dira, trinkotu gabe edo LZW eran trinkotuta, 300dpi-ko bereizmenaz gutxienik, eta jatorrizkoa erreproduzitzeko aukera ematen duen kolore mailaz. Katalogazioa METS formatuan aurkeztu behar da.

4. Baztertzeak.

Diru laguntza hauen esparruaz kanpo daude:

Izaera komertzialeko proiektuak, produktu edo zerbitzu jakin bat saldu edo sustatzeko helburu nagusia dutenak alegia.
Edozein era edo mailatako irakaskuntza erakundeei lotutako proiektuak.
Eduki iraingarria edota pertsonen eskubideen aurkakoa duten proiektuak.
Edukietara sartzeko edonolako mugakizuna jartzen duten proiektuak edo zerbitzuaren trukean ordainketa eskatzen dutenak.

5. Diru laguntzak eman eta kuantifikatzeko irizpideak.

5.1. Zehaztapena.

Irizpide eta puntuazio hauek aplikatuko dira:

a)    Eduki digitalen bildumen kalitatea, bai bolumenaz (irudi kopurua), bai gaiaren interesaz; 30 puntu bitarte.
b)    Digitalizatutako edukiak gizarteratzeko eta hedatzeko, eta eduki berriak eskuratzeko proiektuaren kalitatea; 30 puntu bitarte.
c)    Baldintza tekniko hauen 2. puntuan azaldutako esparruetara egokitzea (1 gutxienez, 2 gehienez); 10 puntu bitarte.
d)    Digitalizazioaren eta katalogazioaren kalitate teknikoa; 30 puntu bitarte.

Irizpide horiek kasu bakoitzean aztertu eta balioztatuko ditu ebaluazio batzordeak.

Proposamenean jasoko izango dira, bakar-bakarrik, aurreko irizpideen arabera 70 puntu edo gehiagoko balorazioa lortzen duten proiektuak.

5.2. Diru laguntza kalkulatzea.

Diru laguntzaren zenbatekoa ez da inoiz argitalpena egiteko aurreikusitako gastuen %50 baino gehiagokoa izango, eta gehienez ere 15.000 euroko kopurua izango du.

Diru laguntza hauetarako xedatutako kopuruak ez badu, hautatutako eskaera guztiak multzoan hartuta, aipatutako gehienezko muga horretara iristeko biderik uzten, diru laguntza bakoitza proportzioan murriztuko da, proiektuaren aurrekontua eta balorazioan lortutako puntuazioa kontuan hartuta.

Ematen diren diru laguntzen kopuruaren gehienezko muga izango da, betiere, eskatzaile bakoitzak Kultura eta Euskara Departamentuari eskatutako kopurua.

Gogokoei gehitu

Laster marka

Posta elektronikoz bidali

ikusia: 2523

Jarraipena(0)

URI jarraipena sarrera honetarako