Twitter

Estekak

1. eranskinaren azalpena

Dirulaguntzak 2010 - 1. eranskina

GipuzkoaKultura-k idatzia

Asteazkena, 2011(e)ko urtarrila(r)en 26-(e)an 09:59etan

Eranskin hau 2009. urteko 1. eranskinaren parekoa da, eranskinaren irizpideetan Kultura Departamentuko teknikariok ez dugu aldaketarik sartu.

Azterketak, lan monografikoak eta antzekoak editatu edo argitaratzeko

Onuradunak:	Pertsona fisikoak edo irabazi asmorik gabeko elkarteak.
Lagundutako proiektuak:	10
Oharrak:	Argitalpena kaleratu ondoren 12 hilabeteetara, lagundutako lana berrerabiltzeko baimena Gipuzkoako Foru Aldundiak automatikoki jasoko du.

Hizki gorriz nabarmendu ditugu irizpiderik aipagarrienak.

Jarraian 1. eranskinaren testu osoa dijoakizue.

Azterketak, lan monografikoak eta antzekoak editatu edo argitaratzeko, pertsona fisiko edo irabazi asmorik gabeko elkarteei diru laguntzak ematea arautzen duten berariazko oinarriak.

1. Xedea.

Berariazko oinarri hauen xedea hauxe da: Gipuzkoarentzat interesa duten kultur gaiei buruzko azterketak, lan monografikoak eta antzekoak editatu edo argitaratzeko diru laguntzak emateko baldintzak arautzea, argitalpenen euskarria liburua, diskoa edo jendaurrean zabaltzeko aukera ematen duen beste edozein izanda, pertsona fisiko edo irabazi asmorik gabeko elkarteek sustatuak diren neurrian.

2. Eskatzaileak.

Gipuzkoako Lurralde Historikoan egoitza duten pertsona fisiko edo irabazi asmorik gabeko elkarteek jaso ahal izango dituzte laguntza hauek, deialdiari dagokion ekitaldian azterketak, lan monografikoak edo gisa horretako lanak editatu edo argitaratzeko asmoa dutenek, argitalpenen euskarria liburua, diskoa edo jendaurrean zabaltzeko aukera ematen duen beste edozein izanda, eta beti ere oinarriotan adierazitako baldintzen arabera.

Salbuespen gisa, jaso dezakete laguntza Gipuzkoatik at dauden pertsona fisiko zein elkarteek, Kultura Sustapeneko eta Hedapeneko Zuzendaritza Nagusiari proposatu zaion lana Gipuzkoarentzat interesgarria dela iruditzen bazaio.

Laguntza hauen arloko proiektuak eskatzailearen bitartekoekin gauzatuko dira osorik edo zati batean edo hirugarren pertsona edo entitateen laguntzarekin ere gauza daitezke.

3. Baztertzeak.

Diru laguntza hauetaz kanpo daude ondorengo ezaugarrietakoren bat duten edizioak, zernahi gisakoa dela ere editatzeko hautatutako era edo euskarria:

a) Ikasliburuak, hezkuntza maila edozein delarik ere (lehen hezkuntza, bigarrena, batxilergoa edo unibertsitatea).
b) Literatur sorkuntzako lanak (narrazioa, poesia, antzerkia).
c) Musika sorkuntza berria.
d) Erakunde publikoen edo haiek finantzatutako entitateen edizioak.
e) Banketxe edo aurrezki kutxen edizioak.
f) Liburu-klubek eta antzekoek beren bazkideentzako soilik argitaratu dituztenak.
g) Entziklopediak eta hiztegiak.
h) Gipuzkoako Foru Aldundiaren bestelako laguntza deietan egokipen hobea izan dezaketen argitalpenak (deialdi horietan aurkeztu edo diru laguntza lortu ez arren).
i) Merkataritza helburua izan dezaketen edizioak.

4. Ebaluazioa eta laguntzak ematea.

Diru laguntza emateko eta zenbatekoa erabakitzeko alderdi hauek baloratuko dira:

a) Egileak edo editoreak argitaratzekoa den obraren jarduera esparruan aurrez erakutsitako curriculuma, bidea, jarraitasuna eta dedikazioa. 10 puntu bitarte.
b) Lanaren kalitatea eta gaiaren zehaztasuna kultura, zientzia eta historiaren aldetik. 30 puntu bitarte.
c) Proposatzen den lanaren interes kulturala, gizarte proiekzioa eta Gipuzkoaren kultur garapenerako interesa. 30 puntu bitarte.
d) Euskararen sustapenaren edo erabilera zuzenaren ikuspuntutik duen interesa. 30 puntu bitarte (funtsezko edukia idatzizko edo/eta ahozko lengoaiaren bidez helarazten duten proiektuetan soilik baloratuko da)

Aurreko irizpideak kontuan hartuta, puntuen %70 edo gehiago lortzen duten proiektuek bakarrik proposatuko ditu epaimahaiak. (100 puntutik =70 eta, 70 puntutik =49).

5. Laguntzen zenbatekoa eta ordaintzea.

Diru laguntzaren zenbatekoa ez da inoiz argitalpena egiteko aurreikusitako gastuen %70 baino gehiagokoa izango, ezta 8.000 euroko kopurua gaindituko ere.

Diru laguntza 10. oinarri arautzaile orokorrak dioen eran ordainduko da, amaierako dokumentazioa deialdiaren urteko abenduak 15a baino lehen aurkeztu ondorenean.

6. Onuradunaren betebeharrak.

9. oinarri arautzaile orokorrean ezarritakoez gain, honako hauek dira onuradunaren betebeharrak:

Diruz lagundutako lana argitaratu ondoren, masterra edo jatorrizko kopia digitala formatu berrerabilgarrian eta 2 aletan igortzea, Kultura eta Euskara Departamentuaren liburutegien funtsak osatzeko.
Laguntzen ebazpenean adieraziko diren irizpideen arabera proiektuak Gipuzkoako Foru Aldundiaren laguntza jaso duela adieraztea, aldundiaren logotipo eta marka eta guzti.
Gipuzkoako Foru Aldundiari idatziz baimena ematea diruz lagundutako lanaren edukiak berrerabiltzeko, argitalpena kaleratu eta 12 hilabete pasa ondoren.

Gogokoei gehitu

Laster marka

Posta elektronikoz bidali

ikusia: 2346

Jarraipena(0)

URI jarraipena sarrera honetarako