Gipuzkoa 2.0ren baitan garatutako ekimenak

Twitter

Estekak

GureGipuzkoa
GipuzkoSfera
Euskararen Zerbitzu Plataforma
GipuzkoaMatic
Liburutegia 2.0
Meta

1 GureGipuzkoa.

GureGipuzkoa.net antzinako eta gaur egungo Gipuzkoako ondare grafikoa sustatzea, partekatzea eta bultzatzea du helburu nagusitzat. Erabiltzaileei Gipuzkoako Foru Aldundiaren edukiekiko atzigarritasuna eskaintzearekin batera, erabiltzaileei, izan norbanakoa, Udala edo enpresa, beraien edukiak lizentzia libreak erabiliz erabiltzaile komunitatearekin partekatzeko aukera ematen die.

GureGipuzkoako edukiak kanpo ingurune batean erakutsi edo/eta erabiltzeko, APIaren dokumentazioa jarraitu dezakezu.

Gehiago irakurri.

Igo

2 GipuzkoSfera

GipuzkoSfera.net (test bertsioa), tokian tokiko informazio kultural kontestuala uneoro eskuratzeko proiektua da. Baseliza bat ikuskatzen ari bagara berari buruzko informazioa denbora errealean atzitzeko baliabide eta tresnak martxan jartzea du xede nagusia. Froga moduan GureZarautz.net atariaren inguruan garatzen ari diren tresnak dira lehenengo aplikazio praktikoa.

Gehiago irakurri.

Igo

3 Euskararen Zerbitzu Plataforma

Euskararen Zerbitzu Plataforma GipuzkoaMatic ekimenaren barnean garatu diren euskararen hizkuntza teknologiak dira. Beraz, ez da I+G proiektu bat, euskararen erabilera errazteko balioko duten tresna plataforma bat baizik. Erabiltzeko tresnak azken erabiltzailearentzat, blogari edo webmasterrentzat eskuragarri daude, ezer erosi gabe, lizentziarik hartu gabe, ezta programarik deskargatu gabe ere.

Euskararen Zerbitzu Plataformak lau tresna hartzen ditu bere baitan:

OCR tresna: Digitalizaturiko testu irudi bat OCR prozesu batetik igarota, prozesu honek irakurri duen testua RTF fitxategi batean itzuliko digu. OCR tresnaren APIaren dokumentazioa.
WordSpotting (audio indexazioa) tresna: .mp3 formatoko audio bat audio indexazio prozesu batetik igarota, atzitu diren hitzak XML fitxategi batean jasoko ditugu. Jasoko diren hitzak, aplikazioan erabiltzen diren hiztegietatik edo testu fitxategi batetik (gehienez 10 hitz) jasotzen dira. WordSpotting tresnaren APIaren dokumentazioa.
TTS (Text To Speech) tresna: Testu fitxategi bat TTS tresnatik igarota, testuaren .mp3 formatoko fitxategi bat itzuliko digu. TTS tresnaren APIaren dokumentazioa.
RSS tresna: RSS jario batean jasotzen diren sarrerak, aukeratutako aukeraren arabera OCR, TTS edo wordspotting prozesua garatuko du. Hartara, RSS jariotik jasotzen diren edukiak formato batean edo bestean gozatzeko aukera izango dugu. RSS tresnaren APIaren dokumentazioa.

Gehiago irakurri.

Igo

4 GipuzkoaMatic

GipuzkoaMatic, Gipuzkoako Foru Aldundiko Departamentuek garatu dituzten zerbitzu digitalen bilgunea da. Hala nola, Gipuzkoako Foru Aldundiak zerbitzu digitalen eremuan 2011ko udaberrian hainbat ekimen martxan ditu:

Mugikortasuneko eta Lurralde Antolaketako Departamentuak garaturiko B5Map mapen "bisore arina".
Kultura eta Euskara Departamentuak kudeatzen duen GureGipuzkoa.net atariaren API publikoa.
Berrikuntzako eta Jakintzaren Gizarteko Departamentuak garaturiko GipuzkoaTV ataria.
...

Gehiago irakurri.

Igo

5 Liburutegia 2.0

Liburutegia 2.0k bi ardatz nagusi ditu. Alde batetik, autore-eskubide gabeko euskarazko literaturarentzat erreferentzia izatea. Bestetik, Koldo Mitxelenaren liburutegia erabiltzen duten guztien esperientzia honako hauei esker aberastea: katalogoaren APIa eskuratuz, bilduma digitala lehenestea (euskara bilduma, batez ere), eta Web 2.0ko elementuak gehitzea.

Gehiago irakurri.

Igo

6 Meta

Meta izenarekin bataiatu dugun zerbitzu hau, Kultura eta Euskara Departamentuak kudeatzen duen Gipuzkoako Foru Aldundiko funtsa digitalen sarrera irekiko repositorioa da. Tresna honekin beraien edukiak eskuragarri jarri nahi dituzten Gipuzkoako agente kulturalen eta Europeanaren arteko zubia izan nahi dugu.

Metarekin metadatu kulturalen elkartrukerako OAI-PMH protokoloaren bitartez eskuragarri diren funtsen kopurua etengabe gehitzen goazela aurkituko duzu.

Gehiago irakurri.

Igo