1. Xedea.

Oinarri hauen xedea da kultur gaiei buruzko azterketak, lan monografikoak eta antze­koak editatu edo argitara­tzeko diru lagun­tzak emateko baldin­tzak arau­tzea, argitalpenen euskarria liburua, diskoa edo jendaurrean zabal­tzeko aukera ematen duen beste edozein izanda, Gipuzkoaren­tzat interesa izango dutena eta per­tsona fisiko edo irabazi asmorik gabeko elkarteek sustatuak.

2. Onuradunak.

Gipuzkoako Lurralde Historikoan egoi­tza duten per­tsona fisiko edo irabazi asmorik gabeko elkarteek jaso ahal izango dituzte diru lagun­tza hauek, aurtengo ekitaldian azterketak, lan monografikoak edo gisa horretako lanak editatu edo argitara­tzeko asmoa dutenek, argitalpenen euskarria liburua, diskoa edo jendaurrean zabal­tzeko aukera ematen duen beste edozein izanda, eta beti ere oinarriotan adierazitako baldin­tzen arabera.

Salbuespen gisa, jaso dezakete lagun­tza Gipuzkoatik at dauden erakundeek, Kultura eta Euskara Departamentuari proposatu zaion lana Gipuzkoaren­tzat interesgarria dela irudi­tzen bazaio.

Lagun­tza hauen arloko proiektuak eska­tzailearen bitartekoekin gauzatuko dira osorik edo zati batean edo hirugarren per­tsona edo entitateen lagun­tza­rekin.    

3. Bazter­tzeak.

Diru lagun­tza hauetaz kanpo daude ondorengo ezaugarrietakoren bat duten edizioak, zernahi gisakoa dela ere edita­tzeko hautatutako era edo euskarria:

a)    Ikasliburuak, hezkun­tza maila edozein delarik ere (lehen hezkun­tza, bigarrena, batxi­lergoa edo uniber­tsi­tatea).
b)    Literatur sorkun­tzako lanak (narrazioa, poesia, antzer­kia).
c)    Musika sorkun­tza berria.
d)    Erakunde publikoak edo haiek finan­tza­tutako edizioak.
e)    Banke­txe edo aurrezki ­kutxek argitaratutakoak.
f)     Liburu-klubek eta antze­koek beren bazkideen­tzako soilik argitaratu dituztenak.
g)    Entzi­klopediak eta hiztegiak.
h)    Gipuzkoako Foru Aldundiaren bestelako lagun­tza deietan egokipen hobea izan dezaketen argitalpenak.
i)     Merkatari­tza helburua izan dezaketen edizioak.   

4.    Ebaluazioa eta lagun­tzak ematea.

Diru lagun­tza emateko eta zenbatekoa erabaki­tzeko alderdi hauek baloratuko dira:

a)    Egileak edo editoreak argitara­tze­koa den obraren jarduera esparruan aurrez eraku­tsi­tako curriculuma, bidea, jarraitasuna eta dedikazioa. 10 puntu bitarte.
b)    Lanaren kalitatea eta gaiaren zehaztasuna kultura, zien­tzia eta historiaren aldetik. 30 puntu bitarte.
c)    Proposa­tzen den lanaren interes kulturala, gizarte proiekzioa eta Gipuzkoaren kultur garapenerako interesa. 30 puntu bitarte.
d)    Euskararen sustapenaren edo erabilera zuzenaren ikuspuntutik duen interesa. 30 puntu bitarte.

Aurreko irizpideak kontuan hartuta, 70 puntu edo gehiago lor­tzen duten proiektuek bakarrik proposatuko ditu epaimahaiak.

5.    Lagun­tzen zenbatekoa eta ordain­tzea.

Diru lagun­tza­ren zenbatekoa ez da inoiz argitalpena egiteko aurreikusitako gastuen %70 baino gehiagokoa izango, eta gehienez ere 8.000 euroko kopurua izango du.

Diru lagun­tza oinarri orokorretan xedatutako epeetan eta eran ordaindua izango da.

6.    Onuradunaren betebeharrak.

Akordio honen 9.oinarri orokorrean azaldutakoez gain, honako hauek dira onuradunaren betebeharrak: