Ez, eranskin hau ez zen gure webgunearen diseinua aldatzeko balioko zuen dirulaguntza bat: gure webgunean gordetzen ditugun edukiekiko (testuak, partiturak, argazkiak, postak...) atzigarritasun teknikoa bermatuko duten tresna teknologikoak garatzeko baizik. API publikoen aipamena 2. puntuan horregatik espreski sartu genuen.

Edukiekiko elkarreragin­tza eta sarbidea errazten duten zerbi­tzuak edo tresnak
Onuradunak:	Beren egoi­tza soziala Gipuzkoan duten per­tsona juridiko eta fisikoek.
Lagundutako proiektuak:	7
Oharrak:	Software aplikazio edo produktuen kasuan, baimen libre baten bitartez ipini behar ziren jendearen eskura.

Baldintzetan bi irizpide nabarmentzen genituen: "...Garatutako zerbi­tzuak eta tresnak bai legez, bai teknikoki eskuragarriak direla bermatu behar da" eta bestetik  "...Software aplikazio edo produktuen kasuan, baimen libre baten bitartez ipini behar dira jendearen eskura." Aurrenekoan, aipatu gabe baina inplizituki Creative Commons baimenetaz ari gara. Bigarrengoan aldiz, GPL edo baliokidea izango den lizentzia batetaz. Orokorrean eskaera gehienak eskaturiko irizpideak bete zituzten. 

Konfusioa sortu zuen beste gai bat nor aurkeztea zezaken egon zen: "Pertsona juridikoa" den edonor, talde bat, programatzaile freelance bat... aurkeztea zuen.

Jarraian 3. eranskinaren testu osoa dijoakizue.

Euskararen erabilera edo kultura onurako edukiak heda­tzeko bidea errazten duten zerbi­tzuak edo tresnak gara­tzeko proiektuetarako diru lagun­tzak ematea arau­tzen duten oinarriak.

• Internet bidez hedatutako euskarazko edukiak eran­tsi edo truka­tzeko bidea errazten duten zerbi­tzuak sor­tzea.          
• API (Application Programming Interface) publiko eta irekiak gara­tzea, katalogoko edo artxi­boko fun­tsak eskuratu, partekatu eta birnahasteko bidea errazteko.
• Telefono mugikorraren ingurunerako aplikazioak edo jokoak gara­tzea, aipatutako helburuen araberakoak.
• Sare sozialen erabil­tzaile euskaldunek erabil­tzeko aplikazioak, garapenak edo tresnak sor­tzea.

• Proiektuaren edukiak eta zerbi­tzuen nahiz tresnen erabil­tzaile-interfazea osorik euskaraz egon behar dira ­gutxienik. 
• Garatutako zerbi­tzuak eta tresnak bai legez, bai teknikoki eskuragarriak direla bermatu behar da. Eduki horien barruan legeetan babestutako gairik baldin badago, elkarte eska­tzaileak eduki horien gaineko baimenaren jabe izan behar du, hirugarrengoek libreki eskuratu eta erabili ahal izan ditza­ten.
• Internet bidez zabaldutako proiektuen kasuan, etengabe egunera­tzeko plangin­tza zeha­tza eduki beharko dute.          
• Software aplikazio edo produktuen kasuan, baimen libre baten bitartez ipini behar dira jendearen eskura.     

• Izaera komer­tzialeko proiektuak, produktu edo zerbi­tzu jakin bat saldu edo susta­tzeko helburu nagusia dutenak alegia.
• Zerbi­tzu profesionalak eskaini edo susta­tzeko xedea duten webgune per­tso­nal nahiz taldekoak.
• Eduki batez ere politiko, sindikal edo erlijiosoa duten proiektuak.
• Edozein era edo mailatako irakaskun­tza erakundeei lotutako proiektuak.
• Eduki iraingarria edota per­tso­nen eskubideen aurkakoa duten proiektuak.
• Edukietara sar­tzeko edonolako mugakizuna jar­tzen duten proiektuak edo zerbi­tzuaren trukean ordainketa eska­tzen dutenak.

• Proposatutako proiektuaren interes soziala, Gipuzkoan begiz jotako entzu­leak edo eragina; 30 puntu bitarte. 
• Orain arte trataera egokirik izan ez duten alor edo gaietan saia­tzea; 20 puntu bitarte.
• Proiektuaren edukiak etengabe eguneraturik izango direla ziurta­tzeko jarritako bitarteko egokiak; 15 puntu bitarte.   
• Produktuaren garapen teknologikoa, diseinua, argitasuna, erabilerraztasuna edo kalitatea; 35 puntu bitarte.