gure gipuzkoa

Twitter

Estekak

3. eranskinaren azalpena Entzun artikulua mp3 fitxategia deskargatu PDF fitxategia Inprimatu E-posta
Dirulaguntzak 2010 - 3. eranskina
GipuzkoaKultura-k idatzia   
Asteazkena, 2011(e)ko urtarrila(r)en 26-(e)an 19:09etan

Eranskin hau garapen eta tresna teknologikoak euskaraz soilik garatuko dituzten enpresei zuzendurikoa da. 2009. urteko 4. eranskinaren parekoa dela agerikoa da.

Eranskin honen xede nagusia, kultura eta euskarazko edukietara atzigarritasuna erraztuko duten garapen, tresna eta baliabide teknologikoak laguntzea da. Webguneen hosting, diseinua edo/eta Web2.0 filosofiara atxikitzen diren baliabideen loturak webguneetan txertatzea EZ ziren kontuan hartu.

Edukiak informazio teknologien bidez euskara ­hutsean heda­tzeko
Onuradunak: Enpresak.
Lagundutako proiektuak:

28
Oharrak: - Garatutako zerbi­tzuak eta tresnak bai legez, bai teknikoki eskuragarriak direla bermatu behar ziren.
-   Euskaraz soilik garatutakoak lagundu ziren.

Eranskinaren ildo nagusiak hizki gorriz nabarmendu ditugu.

Jarraian 2. eranskinaren testu osoa dijoakizue.

 

Edukiekiko elkarreragin­tza eta sarbidea errazten duten zerbi­tzuak edo tresnak gara­tzeko proiektuetarako diru lagun­tzak ematea arau­tzen duten berariazko oinarriak.

1. Xedea.

Oinarri hauen xedea da euskal kulturarekiko elkarreragin­tza eta sarbidea, edo euskararen erabilera bizi­tza digitalaren esparru berri edo ez-tradizionaletan (sare sozialak, bideo-jokoak, aplikazio mugikorrak, eta abar) errazten duten zerbi­tzu eta aplikazio proiektuetarako diru lagun­tzak emateko baldin­tzak arau­tzea. Proiektu horietan gara­tzen diren zerbi­tzuak eta tresnak era librean eskura­tzeko aukera bermatu behar da.


2. Eremua.

Diru lagun­tza hauek aurreko oinarrian azaldutako xedeetara egoki­tzen diren proiektuetan egindako gastuak konpen­tsa­tzeko dira, hain justu, beren egoi­tza soziala edota zerga helbidea Gipuzkoan duten per­tsona juridiko eta fisikoek sustatu eta bul­tza­tutako proiektuak direnean.

Aipatutako proiektuak ondoko atal hauetakoren batean sartu behar dira:
  • Internet bidez hedatutako euskarazko edukiak eran­tsi edo truka­tzeko bidea errazten duten zerbi­tzuak sor­tzea.
  • API (Application Programming Interface) publiko eta irekiak gara­tzea, katalogoko edo artxi­boko fun­tsak eskuratu, partekatu eta birnahasteko bidea errazteko.
  • Telefono mugikorraren ingurunerako aplikazioak edo/eta jokoak gara­tzea, 1. oinarrian ezarritako helburuen araberakoak.
  • Sare sozialen erabil­tzaile euskaldunek erabil­tzeko aplikazioak, garapenak edo tresnak sor­tzea.
Oinarri hauen jarduera esparruak bere barne har­tzen dituen proiektuak, osorik nahiz zatika, gara­tzen ahalko ditu eska­tzaileak nahiz bere baliabide propioz, nahiz besteren lagun­tza baliaturik.

Salbuespen gisa, eta Kultura eta Euskara Departamentuak horrela erabakiko lukeelako, jaso dezakete lagun­tza Gipuz­koatik at dauden per­tsona edo entitateek, baldin eta beren jarduera neurri handi batean Gipuzkoan gauza­tzen bada edo Gipuzkoaren­tzat interesgarria gertatuz gero.

3. Baldin­tzak.

Lagun­tza hauetara bildu nahi duten proiektuek baldin­tza hauek bete beharko dituzte:
  • Proiektuaren edukiak eta zerbi­tzuen nahiz tresnen erabil­tzaile-interfazea osorik euskaraz egon behar dira ­gutxienik.
  • Garatutako zerbi­tzuak eta tresnak bai legez, bai teknikoki, libreki eskuragarriak direla bermatu behar da. Eduki horien barruan legeetan babestutako gairik baldin badago, eska­tzaileak eduki horien gaineko eskubidearen jabe izan behar du, hirugarrengoek libreki eskuratu eta erabili ahal izan ditza­ten.
  • Internet bidez zabaldutako proiektuen kasuan, etengabe egunera­tzeko plangin­tza zeha­tza eduki beharko dute.
  • Software aplikazio edo produktuen kasuan, baimen libre baten bitartez ipini behar dira jendearen eskura.
  • Garapenerako sarbide puntuaren helbidea, baloratu beharreko dokumentazio teknikoan agertuko da Gipuzkoa 2.0 programaren baitan diruz lagundutako garapenen zerrenda publikoan eran­tsia izan dadin.

4. Bazter­tzeak.

Diru lagun­tza hauen esparruaz kanpo daude:
  • Izaera komer­tzialeko proiektuak, produktu edo zerbi­tzu jakin bat saldu edo susta­tzeko helburu nagusia dutenak, alegia.
  • Zerbi­tzu profesionalak eskaini edo susta­tzeko xedea duten webgune per­tso­nal nahiz taldekoak.
  • Eduki batez ere politiko, sindikal edo erlijiosoa duten proiektuak.
  • Edozein era edo mailatako irakaskun­tza erakundeei lotutako proiektuak.
  • Eduki iraingarria edota per­tso­nen eskubideen aurkakoa duten proiektuak.
  • Edukietara libreki sar­tzeko edonolako mugakizuna jar­tzen duten proiektuak edo zerbi­tzuaren trukean ordainketa eska­tzen dutenak.

5. Diru lagun­tzak eman eta kuantifika­tzeko irizpideak.

5.1. Zehaztapena.
Irizpide eta puntuazio hauek aplikatuko dira:
  • Proposatutako proiektuaren interes soziala, Gipuzkoan aurreikusitako entzu­leak edo eragina; 30 puntu bitarte.
  • Orain arte trataera egokirik izan ez duten alor edo gaietan saia­tzea; 20 puntu bitarte.
  • Proiektuaren edukiak etengabe eguneraturik izango direla ziurta­tzeko jarritako bitarteko egokiak; 15 puntu bitarte.
  • Produktuaren garapen teknologikoa, diseinua, argitasuna, erabilerraztasuna edo kalitatea; 35 puntu bitarte.
Diru lagun­tzak emateko proposamenean jasoko dira, bakar-bakarrik, aurreko irizpideen arabera 70 puntu edo gehiagoko balorazioa lor­tzen duten proiektuak.

5.2. Diru lagun­tza kalkula­tzea.

Diru lagun­tza­ren zenbatekoa ez da inoiz proiektua gauza­tzeko aurreikusitako gastuen %70 baino gehiagokoa izango, ezta ere 15.000 euroko kopurua gaindituko.

Diru lagun­tza hauetarako xedatutako kopuruak ez badu, hautatutako eskaera guztiak mul­tzoan hartuta, aipatutako gehienezko muga horretara iristeko biderik uzten, diru lagun­tza bakoi­tza propor­tzioan murriztuko da, proiektuaren aurrekontua eta balorazioan lortutako puntuazioa kontuan hartuta.

Ematen diren diru lagun­tzen kopuruaren gehienezko muga izango da, betiere, eska­tzaile bakoi­tzak Kultura eta Euskara Departamentuari eskatutako kopurua.

6. Onuradunaren betebeharrak.

9. oinarri orokorrean ezarritakoaz gain, lagun­tzen ebazpenean adieraziko diren irizpideen arabera proiektuak Gipuzkoako Foru Aldundiaren lagun­tza jaso duela adieraztea, aldundiaren logotipo eta marka eta guzti.

Eranskinaren irizpide nagusiak hizki gorriz nabarmendu ditugu.

Jarraian 3. eranskinaren testu osoa dijoakizue.

 

Edukiak informazio teknologien bidez euskara ­hutsean heda­tzeko enpresei diru lagun­tzak ematea arau­tzen duten berariazko oinarriak.

 
1. Xedea.

Oinarri hauen xedea da edukiak euskaraz soilik informazio teknologien bidez heda­tzeko egiten diren proiektuetarako diru lagun­tzak emateko baldin­tzak arau­tzea. Proiektu horiek bermatu behar dute euskaraz sortutako eduki digitalak bai teknikoki, bai legez libreki eskura­tzeko aukera izatea. 

2. Eremua.
Diru lagun­tza hauen xedea da euskaraz adierazitako edukiei zabalkunde handiagoa emateko informazioaren eta komunikazioaren teknologien erabileran oinarritutako proiektuak gara­tzeko egindako gastuak konpen­tsa­tzea.

Lagun­tza hauek jaso ahal izango dituzte aipatutako esparruan proiekturik sustatu eta egiten dituzten enpresek, egoi­tza sozial eta fiskala Gipuzkoako Lurralde Historikoan kokaturik baldin badute.

Aipatutako proiektuak ondoko atal hauetakoren batean sartu behar dira:
  • Euskaraz soilik diren edukiei ikusgarritasuna emateko lagungarri diren webguneak, aplikazioak edo software tresnak gara­tzea.
  • Aplikazio irekiak (API, widget edo besterik) gara­tzea, eduki digitalak libreki eskuratu, partekatu eta birnahasteko bideak errazteko.
  • Euskara ardatz nagusi duen web ekosistema elkarlotuagoa gara­tzea errazteko dinamikak eta tresnak antola­tzea.    
Oinarri hauen jarduera esparruak bere barne har­tzen dituen proiektuak, osorik nahiz zatika, gara­tzen ahalko ditu eska­tzaileak nahiz bere baliabide propioz, nahiz besteren lagun­tza baliaturik.

3. Baldin­tzak.

Lagun­tza hauetara bildu nahi duten proiektuek baldin­tza hauek bete beharko dituzte:
  • Proiektuaren edukiak soilik euskaraz egon behar dira.      
  • Heda­tzen diren edukiak bai legez, bai teknikoki eskuragarriak direla bermatu behar da. Eduki horien barruan legeetan babestutako gairik baldin badago, eska­tzaileak eduki horien gaineko eskubidearen jabe izan behar du, hirugarrengoek eskuratu eta erabili ahal izan ditza­ten.     
  • Internet bidez zabaldutako edukien kasuan, etengabe egunera­tzeko plangin­tza zeha­tza eduki beharko dute. 

4. Bazter­tzeak.

Diru lagun­tza hauen esparruaz kanpo daude:
  • Izaera komer­tzialeko proiektuak, produktu edo zerbi­tzu jakin bat saldu edo susta­tzeko helburu nagusia dutenak, alegia.
  • Zerbi­tzu profesionalak eskaini edo susta­tzeko xedea duten webgune per­tso­nal nahiz taldekoak.
  • Eduki batez ere politiko, sindikal edo erlijiosoa duten proiektuak.
  • Edozein era edo mailatako irakaskun­tza erakundeei lotutako proiektuak.
  • Eduki iraingarria edota per­tso­nen eskubideen aurkakoa duten proiektuak.
  • Edukietara libreki sar­tzeko edonolako mugakizuna jar­tzen duten proiektuak edo zerbi­tzuaren trukean ordainketa eska­tzen dutenak.
5. Diru lagun­tzak eman eta kuantifika­tzeko irizpideak.

5.1.  Zehaztapena.

Irizpide eta puntuazio hauek aplikatuko dira:

a)  Eska­tzaileak sor­tzen dituen informazioen eta edukien zabalkunde proiektuaren kalitatea; erabil­tzaileen partaide­tza bideak antola­tzea eta era aktiboan kudea­tzea baloratuko da; 30 puntu bitarte.
b)  Orain arte sarean euskaraz trataera egokirik izan ez duten alor edo gaietan saia­tzea; 30 puntu bitarte.         
c)  Baliabide teknologikoen ahalmenak (estandarrak, URL iraunkorrak, mikroformatuak, bila­tzaileekiko adiskidetasuna, eta abar) taxuz erabil­tzeko egindako ahalegina; 15 puntu bitarte.
d)  Proiektuaren edukiak etengabe eguneraturik izango direla ziurta­tzeko jarritako bitarteko egokiak; 15 puntu bitarte.   
e)  Forma edo diseinu aldetik landua izatea, argia eta erabilerraza; 5 puntu bitarte.
f)  WAI (Web Accesibility Initiative) arauekiko adostasun maila; 5 puntu bitarte.

Diru lagun­tza emateko proposamenean jasoko dira, bakar-bakarrik, aurreko irizpideen arabera 70 puntu edo gehiagoko balorazioa lor­tzen duten proiektuak.

5.2.  Diru lagun­tza kalkula­tzea.

Diru lagun­tza­ren zenbatekoa ez da inoiz proiektua gauza­tzeko aurreikusitako gastuen %50 baino gehiagokoa izango, ezta ere 30.000 euroko kopurua gaindituko.

Diru lagun­tza hauetarako xedatutako kopuruak ez badu, hautatutako eskaera guztiak mul­tzoan hartuta, aipatutako gehienezko muga horretara iristeko biderik uzten, diru lagun­tza bakoi­tza propor­tzioan murriztuko da, proiektuaren aurrekontua eta balorazioan lortutako puntuazioa kontuan hartuta.

Ematen diren diru lagun­tzen kopuruaren gehienezko muga izango da, betiere, eska­tzaile bakoi­tzak Kultura eta Euskara Departamentuari eskatutako kopurua.

6. Onuradunaren betebeharrak.

9. oinarri orokorrean ezarritakoaz gain, lagun­tzen ebazpenean adieraziko diren irizpideen arabera proiektuak Gipuz­koako Foru Aldundiaren lagun­tza jaso duela adieraztea, aldundiaren logotipo eta marka eta guzti.
 
Creative Commons Some Rights Reserved 2011 GipuzkoaKultura FAQ / Kontaktua